PR Lú-Olo Sei Konvense Governu Aselera Kriasaun Lei ba Konsellu Veteranu

0
196
Prezidente Asosiasaun Kombatentes Veteranus ba Luta Libertasaun Nasionál Timor-Leste, David Dias Ximenes. Foto Tatoli/Xisto Freitas

DILI, (TATOLI) – Prezidente Repúblika, Francisco Guterres Lú-olo sei husu governu aselera kriasaun lei ba Konsellu Veteranu hodi hetan promulgasaun.

Xefe Estadu ba periodu 2017 to’o 2022 hato’o asuntu ne’e liuhusi Prezidente Asosiasaun Kombatentes Veteranus ba Luta Libertasaun Nasionál Timor-Leste, David Dias Ximenes iha Palásiu Prezidensiál Bairo-Pite Dili, kinta (25/5).

“Prezidente hatete sei ko’alia ho governu atu haree lalais lei ne’e”, dehan.

Mandatu prezidente antigu, lei ne’e haruka ba ministériu solidaridade sosiál. “Atu estabelese konsellu veteranu presiza lei, tanba lei ne’e maka atu tuur hamutuk hadi’a sira nia vida no la’o hamutuk, se-la’e ida-idak la’o”, tenik.

Tuir Prezidente Asosiasaun, oras ne’e mosu asosiasaun veteranu barak ne’ebé mosu ho  planu no programa diferensa iha munisípiu.

“Ema balun oras ne’e halo ona sosializasaun pessoál iha munisípiu kona-ba prosesu estabelesementu konsellu veteranu”, hatutan.

Jornalista: Agapito dos Santos

Editora: Rita Almeida

HUSIK IDA HATÁN