PR Lú-Olo : Carrascalão Kontribui Hakerek KRDTL

0
465
Saudozu Enj Mário Viegas Carrascalão mak halao ho sinal kabuar mean ne'e. Foto Doc

DILI (TATOLI)–Prezidenti Repúblika, Dr. Francisco Guterres Lú-Olo hato’o sintidu kondolénsia profunda ba família Saudozu Enj Mário Viegas Carrascalão ne’e hakotu ona iis iha Sesta dader.

Nu’udar eis Prezidenti Asembleia Konstituante, Lú-Olo rekoñese kontribuisaun eis Vice Primeiru Ministru asunto Administrasaun  Enj Mário Viegas Carrascalão ba nia didikasaun nu’udar deputadu Asembleia Konstituante ne’ebé kontribui ona hodi halo Konstituisaun Repúblika Demokratika Timor-Leste (KRDTL) hanesan lei inan ba nasaun Timor-Leste.

“Kontribui mós ba luta independénsia iha tempu pasadu,” .Prezidenti Repúblika Lú-Olo haktuir bainhira fó sintidu kondolénsia liuhusi ninia deskursu hafoin simu pose nu’udar Prezidenti Repúblika periodu 2017-2022 iha Tasi Tolu, Sábadu (20/7) madrugada.

Lu-Olo fi’ar katak, família matebian oras ne’e iha tempu defisil nia laran, maibé husu atu korajen nafatin tanba ida ne’e distinu ida ne’ebé Maromak prega ona iha ema ida-idak nia moris.

Entertantu, Prezidenti Parlamentu Nasionál, Dr. Adérito Hugo da Costa mós hato’o sentidu kondolensia ba família Eng. Mário no matebian Mário nu’udar figura istóriku ne’ebé fó kontribuisaun maka’as ba Timor-Leste nia independénsia.

(Jornalista: Xisto Freitas)

(Editór : Manuel Pinto)

HUSIK IDA HATÁN