PR L­­­­­ú-Olo Apoiu Implementasaun ODS

0
94
Prezidente Repúblika, Francisco Guterres Lú-Olo iha abertura konferénsia Dezenvolvimentu Sustentavel (ODS) ne'ebé hala'o iha Sentru Konvensaun Dili. Foto António Goncalves

DILI, (TATOLI) – Prezidente Repúblika, Francisco Guterres Lú-Olo hateten apoiu governu hodi implementa Objetivu Dezenvolvimentu Sustentavel  (ODS) hodi hametin pás, estabilidade no hadi’a kondisaun povu nia moris.

“Ha’u iha kumpromísiu hakarak asegura dezenvolvimentu sustentavel tanba planu no programa  hotu  tama iha laran hanesan saúde, edukasaun, administrasaun no seluk tan hodi lori Timor–Leste ba oin”, dehan Xefe Estadu  iha konferénsia globál ne’ebé hala’o iha Sentru Konvensaun Dili, ohin.

Lú-Olo hatutan konferénsia globál G7+ sai matan dalan ba Nasaun sira atu dezenvolve sira-nia nasaun.

“Ha’u deseja susesu barak iha konferénsia ida ne’e atu hothotu komprometidu ba liafuan ida, planu ida no hakarak ida  hodi hametin pás no estabilidade nomós hadi’a sira-nia rai liuhusi planu objetivu dezenvolvimentu sustentavel”, dehan.

Konferénsia ne’e partisipa husi nasaun Azia, Amérika, Áfrika no Pasifiku. Atividade komesa  ohin no remata aban.

Jornalista: Agapito dos Santos

Editora: Rita Almeida

HUSIK IDA HATÁN