PR Husu PN Servisu ho Di’ak Liutan

0
62
Prezidente Repúblika kondekora Prezidente Parlamentu Nasionál. Foto mídia Palásiu Prezidensiál

DILI, (TATOLI) – Prezidente Repúblika, Taur Matan Ruak husu ba deputadu sira atu servisu di’ak liutan antes termina mandatu iha fulan-jullu.

ʺHusu tenke servisu di’ak liutan ba oin  no eleisaun mós tenke la’o ho susesu, ita hotu nia espetativa eleisaun sei la’o ho di’ak para governasaun foun ne’ebé bele hala’o dezenvolvimentu ba oinʺ, dehan nia liuhosi hasoru malu ikus ho Prezidente Parlamentu Nasionál, Aderito Hugo da Costa iha Palásiu Prezidensiál, ohin.

Aderito Hugo hatutan: ʺDiskusaun sobre durante mandatu Prezidente Repúblika tinan lima, observa mós dezempeñamentu órgaun Estadu hotu, liliu parlamentu nasionál nomos dezenvolvimentu institusionálʺ.

Prezidente órgaun legislativa ne’e hatete relasaun servisu durante tinan 5 la’o  di’ak, promulga lei barak hanesan lei ordinamentu teritoriu, eleisaun munisipál no seluk tan.

ʺIntermús koordenasaun instituisaun Estadu la’o di’ak maske iha akontesementu balun hanesan diferensa idea, maibé ida ne’e atu hadi’a di’ak liutanʺ, katak tan.

Mandatu Xefe Estadu sei termina iha loron 20 maiu 2017.

Preokupasaun Lei Eleitorál

Entretantu, Aderito Hugo hatete ninia parte konsidera preokupasaun Xefe Estadu ba lei eleisaun parlamentár.

“Mensagen ne’ebé Prezidente Repúblika hato’o iha observasaun tolu de’it, prezidente foti mundansa kompeténsia regulamentasaun hosi CNE ba STAE no tuir mai uza simbolu partidu seluk halo kampaña no ikus maka sistema recall. Maibé, Tribunál Rekursu la-identifika inskonstitusionalidade.

ʺNe’e esperasaun polítika hosi Prezidente Repúblika, kuandu introdus medida ne’e ba Tribunál Rekursu iha ninia akordaun laiha indikasaun ne’ebé viola diretu ema ruma nianʺ, hatutan.

Jornalista: Agapito dos Santos

Editora: Rita Almeida

HUSIK IDA HATÁN