Portugés Nu’udar Instrumentu Afirmasaun

0
38
Ilusatrasaun

DILI, (TATOLI)—Lian portugés apar ho tetun hanesan língua ofisiál timoroan nian nu’udar instrumentu afirmasaun Timor-Leste (TL) iha rejiaun Ázia no mundu.

“Ita diferente ho sira seluk”, afirma eis-diplomata, Roque Rodrigues perante estudante universitáriu no sívita akadémika sira foin lalais ne’e iha salaun auditóriu UNTL Dili.

Hatutan: “Ita povu Timor-Leste halo supreza ida”. Ema konsidera ‘imposível’ maibé ikus hetan duni liberdade tanba hetan mós apoiu solidaridade husi Nasaun seluk iha mundu liliu sira ne’ebé ko’alia portugés.

Futuru língua portugeza ezize konsisténsia husi parte polítika ne’ebé laiha tipu katak labele responsabiliza de’it ba asesór internasionál sira maibé responsabilidade rasik ne’ebé presiza koerente.

Adosaun portugés serve nu’udar futuru maibé presiza meius hodi afirma. Seluk gosta, seluk la gosta no bainhira ita ta’uk, ita deziste, vontade lakon. “Ne’e ita sertifika ita-nia derota ida, labele hanesan ne’e”, afirma.

Lian portugés no tetun konsagra iha konstituisaun Repúblika Demokrátika Timor-Leste artigu 13o hafoin Timor-Leste hetan no restaura nia indepedénsia.

Jornalista: Rafy Belo

Editora: Rita Almeida

HUSIK IDA HATÁN