Polítika Nasionál Aviasaun Sivíl Hetan Ona Aprovasaun

0
330
Ministru MOP, Gastão Sousa

DILI, (TATOLI)Governu liuhusi reuniaun Konsellu Ministru iha Tersa (30/05) aprova ona rezolusaun kona-ba polítika  nasionál ba Aviasaun Sivíl.

Ministru Obras Públika Transporte no Komunikasaun,  Gastão Sousa hateten, politíka ne’e hodi regula, lisensa ba operasaun aviaun no seluk tan.

“Ita seidauk iha polítika nasionál ida kona-ba aviasaun sivil too agora, ho ida ne’e mak ohin aprova rezolusaun Governu ida ne’ebé mak aprova polítika  aviasaun sivil, para oinsa haree aviasaun  sivil ne’e la’o too iha ne’ebé,” Gastão informa ba Jornalista sira iha Palasiu Governu, foin lalais ne’e.

Iha rezolusaun ne’e governu konsentra ba area  lima importante hanesan, polítika  aviasaun sivíl, seguransa, apoiu ba dezenvolvimentu sosiál ekonómiku, transporte aero no ida seluk tan.

Ho aprovasaun ne’e Timor-Leste atinji objetivu dezenvolvimentu ne’ebé defini ona iha planu objetivu dezenvolvimentu sustentavel.

Basa ho polítika  aviasaun sivíl, sei apoiu governu atu kontrolu no regula atividade aviasaun sivil.

Aprova rezolusaun konaba polítika  nasionál ba aviasaun sivil, tuir Sekretariu estadu Konselhu Ministru, Avelino Coelho, governu mós aprova rezolusaun governu kona-ba kontribuisaun voluntariu iha âmbitu implementasaun objektivu dezenvolvimentu sustentavel nasoens unidas, instituto ba kualidade Timor-Leste ne’ebé aprezenta husi Ministériu Comersiu Iindustria Ambiente.

(Jornalista :Agapito dos santos).

(Editór : Manuel Pinto)

HUSIK IDA HATÁN