PNDS Susesu Iha Dili

0
84
Logo PNDS

DILI (TATOLI)—Diretór Programa Nasionál Dezenvolvimentu Suku (PNDS) Tadeo Francisco de Araújo Soares relata, ejekusaun PNDS iha Munisípiu Dili iha progresu signifikante, ejekusaun atinji 100 pursento hosi parte dezenvolvimentu fíziku tantu, non-fíziku.

“Progama PNDS haree liu ba infraestrutura baziku komunidade nian hanesan bee-moos, rehabilitasaun eskola, rehabilitasaun klinika, rehabilitasaun uma ba professor sira, drainazen, ponte no seluk tan,” Tadeo Francisco de Araújo Soares esplika ba TATOLI, iha Salaun Ministériu Solidariedade Sosiál, Kuarta (24/05).

Dezafiu ne’ebé mak durante ne’e hasoru iha âmbitu implementasaun programa PNDS mak kestaun sosiál hanesan problema rai ne’ebé fo impaktu ba implementasaun.

Enkuantu, progresu ba rekursu umanu liuhosi formasaun sira hatudu rejultadu no fo oportunidade ba feto sira, liu-liu ekipa jestaun suku hamutuk pursentu 40 mak priénse.

Iha avaliasaun ne’e espera katak reprezentante suku hotu iha munisípiu Dili bele hato’o rekomendasaun mai munisípiu no nasionál hodi oinsa mak atu hadia programa ne’e ba futuru ne’ebé diak liu tan.

(Jornalista : Zezito Silva)

(Editór : Manuel Pinto)

 

HUSIK IDA HATÁN