PN Komemora Semana Datoluk Lian Portugés no Konstituisaun RDTL

0
40
Parlamentu Nasionál. Foto espesiál

DILI, (TATOLI) – Parlamentu Nasionál (PN) komemora semana datoluk lian portugés no tinan 15 Konstituisaun Repúblika Demokrátika Timor-Leste (RDTL) iha uma fukun, ohin.

Prezidente PN, Aderito Hugo da Costa iha nia intervensaun konsidera lian portugés kontinua sai dezafiu iha sosiedade nia leet. Nune’e mós, PN iha difikuldade aprende no utilizasaun lian portugés.

Maibé husu ba ema hotu atu hasoru dezafiu ne’e no kontinua serbisu ho forsa atu lian portugés bele iha forma permanente no utiliza iha ita nia lokál servisu, iha eskola no uma. “Ha’u fiar katak deputadu no funsionáriu sira iha dezafiu nia laran”.

Hodi apela joven, estudante ne’ebé marka prezensa iha kememorasaun ne’e, inspira ba sidadaun timoroan no obra ne’ebé bele koñese oituan espozisaun ne’e. Alende lé literatura, permite povu balun koñese povu seluk no komunidade, asesu koñesimentu dezenvolvimentu kultural.

Nia fó rekoñesementu ba grupu nasionál PN no asembleia parlamentár CPLP (komunidade ko’alia lian portugés), pesoál prezidente grupu nasionál, ba promove no apóiu ba organizasaun semana lian portugés.

Agradese mós membru ekipa ne’ebé servisu ba atividade hodi dezenvolve semana lian portugés. “Espera bele aprezenta ho susesu boot, agradese mós ba imi nia prezensa no voto ba espozisaun no atividade hotu previstu ba loron ohin”.

Komemorasaun semana datoluk lian Portugés no tinan 15 konstituisaun RDTL sei realiza iha loron 29 to’o 2. Durante loron hirak ne’e sei iha atividade hanesan espozisaun no seluk tan.

Partisipante husi komemorasaun ne’e deputadu sira, estudante husi eskola Rui Cinaty, Esternatu de São José no eskola sekundáriu 5 de maiu, diretora eskola sira no funsionariu PN.

Tuir ajenda, servisu asembleia konstituante atu komemora tinan 15 konstituisaun RDTL, sei hahú hafoin sesaun plenária.

Jornalista: Julia Chatarina

Editora: Rita Almeida

HUSIK IDA HATÁN