PM Husu MS Tenke Sosializa Lei Uza Tabaku

0
57
Foto Espesial

DILI (TATOLI) – Primeiru Ministru, Rui Maria de Araujo husu Ministériu Saúde (MS) liuhosi komisaun nasionál kontrolu tabaku tenke halo sosializasaun ba kuadru legál (lei) uza tabaku iha Timor Leste. tabaku ameasa ema nia vida.

“Dekretu lei define ona katak komisaun nasionál kontrola tabaku presiza haree oinsa implementasaun kuadru legál tanba lei tama ona iha vigór, enkuantu presiza halo sosializasaun ba ema hotu,” Xefe governu fo hanoin iha Palasiu Ministériu Saúde, Caicoli relasiona ho loron mundiál ba livre hosi tabaku, Kuarta (31/05).

Nu’udar xefi governu husu atu Ministériu Saúde atu servisu hamutuk ho instituisaun relevante sira atu habelar informasaun ba komunidade katak ita iha ona kuadru legál kona-ba uza tabaku nian atu ema hotu tenke kumpre.

Liu-liu Komisaun nasionál kontrolu tabaku tenke hahú la’o tanba peritu sira hosi organizasaun mundiál saúde fo sai katak uza tabaku mak  afeta saúde públika nasaun nian.

Tempu ona no hotu duni ona, hodi mobiliza sosiedade para sigaru tanba sigaru bele habadak ema nia vida.

Enkuantu, dadus hosi organizasaun saúde mundiál hato’o katak nasaun foun Repúblika Demokrátiku Timor-Leste (RDTL) mak mane foin sa’e sira uza tabaku ho pursentu 70 ne’ebé as liu iha sudeste aziátiku.

(Jornalista : Zezito Silva).

(Editór : Manuel Pinto)

 

HUSIK IDA HATÁN