PEDN Matadalan ba ODS

0
135
Primeiru Ministru (PM), Rui Maria de Araújo

DILI (TATOLI)-Primeiru Ministru (PM), Rui Maria de Araújo dehan, atu alkansa Objetivu Dezenvolvimentu Sustentável (ODS), Timor-Leste uza Planu Estratéjiku Dezenvolvimentu Nasionál (PEDN) nu’udar matadalan.

“Ita iha PEDN, ita iha ODS ita halo aliñamentu siknifika ODS ne’e tama iha ita-nia PEDN. Ida ne’e halo tiha ona ita aliña ODS ne’e mai iha PEDN depois ita halo sekuénsia intermuz prioridade,” Xefe Governu hato’o lia hirak ne’e iha Konferensia imprensa iha Sentru Konvensaun Dili, Segunda (22/05) hafoin enkontru loron dahuluk ba Konferensia Global  ODS.

Rui Maria de Araújo hatutan, implementasaun ODS iha dezafiu importante mak  presiza mobiliza Rekursu Umanu no Finanseiru. Atu PEDN bele sai hanesan dalan ida atu lori implementa ODS ne’e.

Ho ida ne’e, Planu Governu Timór-Leste nia ba aban bairua, Primeiru Ministru husu atu instituísaun governu prepara orsamentu bazeia planu anuál no metas PEDN ho ODS nian tanba  PEDN ho ODS iha aliñamentu siknifika ODS ne’e tama iha ita-nia PEDN.

Husi perspetiva ida ne’e Governu hanoin, bainhira Timór-Leste implementa duni iha tinan 2030 sei halakon  ki’ak iha Timór-Leste.

Rui husu mós ba iha parseiru dezenvolvimentu iha nasaun ida-idak tenke halo nia servisu hodi garante rekursu umanu ne’ebé limitadu. hanesan esforsu hatudu kapasidade atu mobiliza rekursu liu-liu alokasau rekursu tuír prioridade ne’ebé nasaun sira iha.

Dezafiu seluk, Rui sei konsidera partisipasaun juventude sira iha moris ekonomia no sosiál ne’ebé presiza haree no tau matan liu tan.

(Jornalista: Maria Auxiliadora)

(Editór : Manuel Pinto)

HUSIK IDA HATÁN