Ordem Timor-Leste Hanesan Kondekorasaun Prestíziu Dignidade Nasaun

0
74
Xefe Governu reprejenta Estadu kondekora António Cabral iha Palásiu Governu, ohiin. Foto António Goncalves

DILI, (TATOLI) – Primeiru Ministru (PM), Rui Maria De Araújo hatete medalla ordem Timor-Leste ne’ebe Estadu atribui hanesan kondekorasaun prestíziu dignidade Nasaun.

“Ordem Timor-Leste hanesan kondekorasaun prestíziu dignidade Nasaun ne’ebé kria husi prepósitu atu rekoñese no agradese nasionais no estranjeiru ne’ebé fó ona asaun prátika iha kontributu signifikativu ba benifísiu Timoroan”, hatutan Xefe Governu bainhira halo intervensaun iha seremónia kondekorasaun Medalla Ordem Timor-Leste ba António Cabral iha Palásiu Governu, Tersa (23/5).

Kongresista António Cabral, portugés ida ne’ebé reprezenta Estadu Unidu Amérika, iha istória apóiu Timor-Leste durante luta ba independénsia.

Xefe Exekutivu ne’e dehan, atribuisaun ne’e reprezenta rekoñesementu públiku no sempre hamosu laran ksolok ba sira ne’ebé simu.

“Ita boot nia esforsu agora konsagradu konsolidasaun  demokrátika no dezenvolvimentu Timor-Leste inklui esbosu amizade kooperasaun entre Timor-Leste no Estadu Unidu Amérika merese rekoñesementu Timor-Leste”.

Hatutan, António Cabral tenke kontinua sai kolega di’ak, no servisu iha promosaun pás no estabilidade, la’os de’it iha Timor-Leste maibé iha rejiaun seluk.

Entretantu, medalla ordem ne’e bazeia ba rezolusaun Prezidente Repúblika (PR) ho data 22 fevereiru 2017 iha artigu 85 alinea j konstituisaun RDTL ho artigu 2 alinea c no 5 dekretu lei no 20/2009 2 maiu, Estadu Kondekoradu Medalla Ordem Timor-Leste ba António Cabral, kongresista kámara reprezentante Estadu Unidu Amérika.

Kondekoradu hanesan defensór ba direitu Nasaun atu oinsá povu bele moris livre durante tempu koloniál.

Pozisaun ne’e aprejenta iha nivel a’as Estadu Unidu Amérika, no iha dekretu prezidensiál lidera mós aprezentasaun lejislasaun asembleia lejislativa ba imprensa no negósiu ho Indonézia.

Altura ne’eba, korajen no empeñu determinasaun estrada husi António Cabral, determinante atu enkoraja rezolusaun internasionál ba Timor-Leste.

Kondekorasaun ne’e hetan partisipasaun husi membrus governu, Loureadu Nobel Dame, Ramos Horta, reprezentante kombatente libertasaun nasionál, no amigu husi António Cabral.

Jornalista: Julia Chatarina

Editora: Rita Almeida

HUSIK IDA HATÁN