Menus Partisipasaun iha Serimonia Hatun Bandeira

0
192
Bandeira nasionál hatun hosi korpu nasionál. Foto Tatoli/Julia Chatarina

DILI, (TATOLI) – Serimonia hatun bandeira nasionál ba selebrasaun loron restaurasaun independénsia ba dala 15, loraik ne’e iha Tasitolu menus partisipasaun hosi entidade importante no populasaun.

Ulun boot sira ne’ebé partisipa serimonia hatun bandeira nasionál, ohin. Foto Tatoli/Julia Chatarina

Inspetór serimonia ne’e derije hosi Prezidente Parlamentu Nasionál, Aderito Hugo da Costa. Sesaun loraik ne’e hetan partisipasaun hosi deputadu, Xefe Governu, Rui Maria de Araújo, membru ezekutivu, ulun boot seguransa no defeza.

Introdusaun forsa parada mak estandarte FALINTIL hanesan komponente terestre, komponente naval ligeira, komponente apoiu no servisu.

Estandarte PNTL mak unidade espesial polísia, unidade patrullamentu fronteira, polísia marítima.

Pelotaun ida hosi banda muzika F-FDTL. Parada komanda hosi Tenente Koronel Infantaria, Cesário Marçal Ximenes ‘Haksolok’ komandante operasaun forsa nian.

Nune’e mos, atividade ne’e akompaña ho banda muzika hosi eskola ensinu Sekundariu Paulo VI Dili.

Alende ne’e atividade seluk ne’ebé  anima populasaun iha fatin selebrasaun mak free style (motor).

Tuir observasaun, komesa sobu dadaun tenda sira no halot sasan balun.

Jornalista: Julia Chatarina

Editora: Rita Almeida

HUSIK IDA HATÁN