DILI, (TATOLI) – Banku Mandiri Timor-Leste, ohin selebra restaurasaun independénsia Timor-Leste ba dala 15 ho atividade doasaun ran.
“Doasaun ran hanesan atividade kultura banku mandiri atu fó espiritu prósperu ba Nasaun”, katak Tesoureiru Banku Mandiri, Okihaleon Naibaho.
Doasaun ran ne’e husi staff no kliente ne’ebé iha interesse. Atividade ne’e sempre realiza kada tinan.
Doasaun ran ne’e realiza ohin loron de’it no banku ran sira sei fó ba Ospitál Nasionál Guido Valadares (ONGV).
Iha fatin hanesan, Jenerál Manejer, L. Aris Budianto hateten hanesan parte komunidade sente hanesan obrigasaun realiza atividade doasaun ran ne’e husi empregadu no kliente sira hanesan “doasaun amor” Banku Mandiri.
Jornalista: Julia Chatarina
Editora: Rita Almeida