DILI, (TATOLI) – Hafoin simu tomada pose, Prezidente Repúblika da-haat, Francisco Guterres Lú-Olo, ohin simu vízita kortezia hosi bainaka sira ne’ebé partisipa serimonia restaurasaun independénsia ba dala 15.
Tuir ajenda ne’ebé Tatoli asesu, sábadu, (20/5) tuku 8:00 to’o 08:15 simu vìzita kortezia hosi Retno Marsudi, Ministra Negosiu Estranjeiros Repúblika Indonézia.
Hosi tuku 08.30 to’o 08:45 vízita kortezia hosi, Peter Cosgrove, Governadór Jerál Austrália. Tuku 09.30 to’o 9:45, vízita kortezia hosi Zhang Ping, Vise Prezidente Parlamentu Nasionál Repúblika Populár Xina.
Don Pramudwinai, Ministru Negosiu Estranjeiru Tailándia halo vizita hosi 10:00 to’o 10:15. Tuku 10.20 to’o 10.35, vízita kortezia hosi W Patrick Murphy, Vise sekretáriu Adjunto ba Asuntu Aziátiku no Pasífiku no Leste.
Gen NAKATANI, senadór Japaun (enviadu espesiál) halo vízita hosi tuku 10.40 to’o 10:55.
Parte loraik tuku 15.30, vízita hosi Primeiru Ministru, depois partisipa Inagurasaun Monumentu Proklamadór, Francisco Xavier do Amaral.
Entretantu bainaka hosi Indonézia hetan troka hosi Ministru Koordenadór asuntu Marítima Indonézia, Luhut Panjaitan.
Retno Marsudi, Ministra Negosiu Estranjeiros Repúblika Indonézia labele partisipa ho razaun saúde.
Ekipa Redasaun
