Lezadu Rui Aprejenta Karta ba TTD La’ós ho Kapasidade PM

0
152
Lezadu Rui Maria de Araújo (aktual Primeiru Ministru)

DILI (TATOLI)—Rui Maria de Araújo nia karta ho data 30 de Maiu 2017 ba Tribunál Distrital Dili (TTD) la’ós haruka ho kapasidade nu’udar Primeiru Ministru (PM) maibé nia haruka nu’udar lezadu ba prosessu NUC : 0112/16.PNSIC.

Iha karta ne’ebé TATOLI asesu Rui Maria de Araújo hatete jornalista na’in rua ne’ebé hetan akuzasaun tanba publikasaun falsu hosi artigu ida kona-ba pessoal Rui Maria de Araújo nu’udar Eis Assesor ba Ministériu Finansas (Governasaun Aliansa Maioria Parlamentar) maibé Rui husu atu la bele kondena arguido sira hanesan hato’o hosi prokuradoria, iha alegasaun final prokurador nia hatete atu arguido sira hetan kastigo durante tinan ida no suspende ba tinan rua.

Pedidu ne’ebé lezadu haruka ba Tribunál ne’e hetan mós kuñesimento ba Procuradora Lídia Soares, ne’ebé halo ona akuzasaun ba arguido nain rua tanba konsidera notisia ne’ebé jornalista sira fó sai hanesan krimi ba publikasaun falsu.

Iha karta ne’e mos Lezadu sita fila fali nia argumento relasiona ho koreksaun ne’ebé mak Timor-Post halo ona antes ne’e hodi dehan, “Loos, ha’u iha kuñesimento maibé koresaun temi erru tékniku de’it no la kuriji alegasaun falsa katak atu ‘fó projeito ba malu de’it’, tanba ne’e ha’u hanoin koresaun ne’e lasufisiente atu halo lakon imajen iha públiku katak, ‘ha’u fó projeitu ba malu de’it’ no tenki iha apuamentu de faktu sura atu públiku bele esklaresidu tanba saida, ka ho intensaun saida , mak sira públika alegasaun falsa ne’e.”

Biar nune’e, Lezadu la husu indemnizasaun hanesan iha nia karta haktuir, “Iha prosesu inkéritu ho ministériu públiku ha’u informa ona katak, ha’u la presiza indemnizasaun.”

(Ekipa Redasaun)

 

HUSIK IDA HATÁN