AS Lero Vs FC Liquiça iha Abertura Jogu Kampionatu LFA

0
115
Seremónia dada sorteiu iha Tower Bara Fatuhada, Segunda kalan. Imajen Mídia LFA

DILI, (TATOLI) – Órgaun Liga Futeból Amadora (LFA) realiza seremónia dada sorteiu ba klube hamutuk 12 ne’ebé maka atu partisipa iha kampionatu ki’ik ne’ebé sei organiza hosi LFA.

Seremónia dada sorteiu ne’e hala’o iha Tower Bar, Fatuhada Dili, segunda (8/5) tuku 17:00. Sorteiu ne’e, ekipa AS Lero no FC Liquiça konsege hetan númeru sorteiu 1 ho 2. Tanba ne’e, ekipa rua refere maka sei hasoru malu iha abertura kampionatu iha tersa (16/5).

Jogu ida ne’e sei hala’o iha Estádiu Munisipál Dili ho sitema bota fora (sistem gugur). Tuir planu, klube tolu maka sei hakat ba iha liga segunda divizaun époka 2018 hodi substitui klube tolu segunda divizaun ne’ebé dezpromosaun (degradasi).

Klube hamutuk 12 ne’ebé partisipa iha kampionatu refere maka hanesan FC Lalenok United, FC Luro Irmãos Unidos, FC Liquiça, FC Imanuel, FC Leopa, FC Unidos Tokodede, FC Karau Fuik, AS Lero, FC Lero, FC LA. Matebian, FC Aimo no FC Fitun Estudante Lorosa’e.

Oráriu jogu ba klube 12  maka hanesan AS Lere kontra FC Liquiça iha (16/05/17), FC Lero kontra FC Aimo (17/05/17), FC Karau Fuik kontra União Tokodede (18/05/17), FC Fitun Estudante Lorosa´e kontra FC Imanuel (19/05/17), FC Irmão Unidos kontra FC Leopa (21/05/17) no FC Lalenok United kontra LA. Matebian (22/05/17).

Jornalista: Xisto Freitas

Editora: Rita Almeida

HUSIK IDA HATÁN