Lei Fasilita Servisu La’ós Ditadura

0
93
Sekretáriu Estadu Komunikasaun Sosiál, Nélio Isaac Sarmento bainhira ko'alia iha seminár internasionál ne’ebé loke hosi Konsellu Imprensa, ohin iha Delta Nova. Foto Tatoli/António Goncalves

DILI, (TATOLI) – Sekretáriu Estadu Komunikasaun Sosiál, Nélio Isaac Sarmento hatete setór komunikasaun sosiál tenke iha regulasaun tanba Estadu de direitu ema hotu tenke kumpri lei atu fasilita servisu la’ós hanesan ditadura.

“Timor-Leste durante ne’e, setór komunikasaun sosiál tenke iha polítika área komunikasaun no regulasaun atu fasilita servisu hodi la’o tuir koridór”, dehan governante ne’e ba Tatoli ohin, iha Delta Nova.

Ema hotu tenke kumpri lei tuir prinsípiu demokrásia enkuantu kapasidade instituisaun Estadu oinsá fasilita informasaun ba mídia, divulga informasaun ba públiku.

Hodi hatutan, jornalista tenke profesionál hodi intrepreta asuntu ruma ne’ebé mak fonte sira fó sai, nune’e públiku bele entende informasaun ho loloos.

Maske nune’e, Konsellu Imprensa (KI) harii foin tinan ida maibé buat balun ne’ebé halo tanba prestasaun index iha Nasaun ho pursentu 98 iha rejiaun azean no pasífiku.

Entretantu, konferénsia internasionál ne’ebé organiza hosi KI durante loron rua (ohin no aban) hakarak fahe informasaun ba oradór sira hosi nasaun azean no pasífiku tanba TL ukun rasik-án liuhosi kontribuisaun hosi mídia ne’ebé livre atu fó informasaun ba públiku.

Jornalista: Zezito Silva

Editora: Rita Almeida

HUSIK IDA HATÁN