Kondekorasaun Sai Inspirasaun ba  Abílio Araújo Hodi  Dezenvolve Nasaun

0
264
Abílio Araújo. Foto Sapo TL

DILI, (TATOLI) – Fundadór Partidu FRETILIN, Abílio Araújo hateten sei kontinua dezenvolve Timor-Leste iha setór ekonomia, kultura no sosiál hodi reduz ki’ak iha rai laran.

Fundadór partidu istóriku no emprezáriu ne’e hato’o kompromisu ne’e hafoin simu kondekorasaun colar ordem Timor Leste hosi Prezidente Repúblika, Taur Matan Ruak iha Palásiu Prezidensiál Bairo-Pite Dili, ohin.

“Iha kondekorasaun prezidente fó hanoin katak, ha’u tenke fó nafatin ha’u nia kontribuisaun hodi dezenvolve ita nia rai, primeiru kultura, ekonomia no sosiál”, dehan tan.

Rekuñesementu ne’e sai motivasaun atu kontinua fó kontribuisaun ba prosesu dezenvolvimentu. “Ha’u haksolok tebes, la’ós ida ne’e atu halo ita para servisu ba ita nia rai”, realsa.

Kondekorasaun ne’e nia dedika ba família uma lisan Bismau Dasifoli Ainaro no kombantete libertasaun nasionál sira ne’ebé fó ona ninia vida hodi liberta Nasaun.

Jornalista: Agapito dos Santos

Editora: Rita Almeida

HUSIK IDA HATÁN