Kompañia Hong-Long Selu Mil U$16,194 ba Estadu

0
180
Diretór Jerál Peskas, Ministériu Agrikultura no Peska (MAP), Acacio Guterres. Foto espesiál.

DILI, (TATOLI) – Kompañia Hong-Long selu ona multa ba Estadu Timor-Leste ho montante mil U$16,194 hafoin halo infrasaun ba ikan Tubaraun.

Diretór Jerál Pekas, Ministériu Agrikultura no Peska (MAP), Acacio Guterres iha edifísiu MAP Komoro, ohin informa, multa administrasaun ne’ebé Governu fó ba kompañia Hong-Long mak husi ró 15 ne’e kada ró selu U$500 no Tubaraun tonelada 43 ne’e hetan mil U$8,694.

“Ita fa’an U$150 kada tonelada maibé konforme rekomendasaun husi ekipa investigasaun ita fa’an filafali ba kompañia refere ho presu ne’ebé mak aumenta tan U$180 pur tonelada no sira selu tiha ona, osan hatama tiha ba kofre Estadu no prosesu hotu tiha ona”, Acacio dehan.

Husi ekipa investigasaun rekomenda no bolu empreza ne’e hodi fó hatene no esplika atu labele halo tan infrasaun.

Bazeia infrasaun ne’e, MAP iha abríl 2017 halo revizaun ba espésie protejida no deside iha espésie 12 mak hetan protesaun.

Ministru Agrikultura no Peska, Estanislau Aleixo da Silva hatete, presu U$150 kada tonelada ne’e tanba iha tinan 2005 presu ne’e iha Ázia, Pasífiku no rai seluk ne’e nia folin mak hanesan ne’e.

“Mas, agora ami halo fali revizaun ida, haree katak folin sira sa’e ona no hasa’e fali ba U$1000 e tal pur tonelada maibé Tubaraun hakaer uluk ona no ita tenke aplika lai lei ida uluk”.

Jornalista: Maria Auxiliadora

Editora: Rita Almeida

HUSIK IDA HATÁN