KM Aprova Rezolusaun Konstrusaun Biblioteka Nasionál

0
146
Foto SEAK

DILI, (TATOLI) – Konsellu Ministru (KM) aprova ona rezolusaun governu kona-ba konstrusaun bibiloteka nasionál hosi Ministériu Turizmu, ohin iha Palásiu Governu.

“Bibiloteka nasionál hosi Ministériu Turizmu ko’alia kedas iha 2008 no 2010 foin mak halo preparativu hodi kria steering kómite no ohin rezolusaun aprova ona, hein katak kompañia bele hahú implementa ona”, hateten Sekretária Estadu Arte no Kultura (SEAK), Maria Isabel de Jesus Ximenes ba jornalista sira.

Tuir SEAK, KM aprova ona rezolusaun, entaun kompañia hosi ENI-TL bele halo lansamentu primeira pedra, fatin ba konstrusaun edifísiu biblioteka nasionál pretense iha Hudi-Laran besik Palásiu Prezidente Repúblika.

Governu kompromete atu bele halo site works ho uza osan hamutuk U$1.500.000 enkuantu osan ne’e mai hosi fundu kontra partida no sei fó ba Autoridade Nasionál Petroleu no Minarai (ANPM) liuhosi kompañia ENI-TL atu jere.

Enkuantu, dezeñu no Bill off Quantity (BOQ) hosi biblioteka nasionál ministériu turizmu prepara hotu ona, hein delibera osan U$1.500.000 atu hahú halo preparativu site works hafoin ENI-TL bele halo konstrusaun, maske nune’e Kompañia ENI-TL fó apoia osan U$10 miloes hodi halo edifísiu ho mobilia sira.

Jornalista: Zezito Silva

Editora: Rita Almeida

HUSIK IDA HATÁN