Kalbuadi Prontu Kolabora ho Almamor

0
165
Ministru Turizmu, Francisco Kalbuadi Lay

DILI, (TATOLI) – Ministru Turizmu, Francisco Kalbuadi Lay hateten kongresu Almamor ba datoluk ne’e la’ós atu mai hili de’it estrutura foun maibé tenke halo programa ho didi’ak nune’e bele garante Almamor nia sustentabilidade.

“Programa ne’e imi konta ho ha’u. Ha’u prontu kolabora ho ita boot sira”, Kalbuadi ko’alia kestaun ne’e bainhira loke Kongresu Associação de Músicos de Timor Leste (Almamor) ba datoluk ne’ebé hala’o iha Sentru Konvensaun Dili (CCD), ohin.

Nia haktuir katak tempu uluk banda múzika iha lima de’it maibé agora iha banda múzika sura la hotu. Tuir nia, signifika iha avansu extraordináriu tanba artisita sira hadomi duni múzika.

“Artista múzika sira tenke unidu no hamutuk maka bele sai forte. Ohin loron ne’e sorte boot tanba kompenente hotu-hotu tau kbiit hamutuk hodi lori artista sira sai boot”, atuál sekretáriu jerál partidu CNRT sujere.

Jornalista: Xisto Freitas

Editora: Rita Almeida

HUSIK IDA HATÁN