Jokowi Delega MNE Partisipa 20 Maiu

0
192
Ministra Negosiu Estranjeiru, Indonézia, Retno Marsudi

DILI, (TATOLI) – Prezidente Repúblika Indonèzia, Joko Widodo delega ona ninia Ministra Negosiu Estranjeiru, Retno Marsudi maka sei partisipa seremónia tomada pose Prezidente eleitu, Francisco Guterres Lú-Olo iha loron 20 fulan-maiu 2017.

“Xefe Estadu sira ne’ebé konfirmadu to’o tersa horiseik ne’e mak Governadór Austrália, sira seluk delega de’it inviadu espesiál”, dehan Primeiru Ministru, Rui Maria de Araújo iha Palásiu Prezidensiál Bairo-Pite, kuarta (17/5).

Xefe Governu hatutan Portugal, Brazil no seluk nomeia enviadu espesiál maka reprejenta. “Prezidente Joko Widodo labele tanba iha atividade seluk, enkuantu Portugal, Brazil mós hanesan”, dehan nia.

Sekretáriu Jerál Organizasaun Nasoens Unidas mós delega enviadu espesiál. Tuir lista, Estadu distribui konvite ba Xefe Estadu Portugal, Brazil, Indonèzia no seluk tan.
Jornalista: Agapito dos Santos
Editora: Rita Almeida

HUSIK IDA HATÁN