Japoneza Hakarak Promove  Produtu Tais Timór

1
273
Estudante timoroan, Letigia Corbafo. Foto Dulce Martins

DILI, (TATOLI) – Estudante Japoneza, Ugi Hosida hakarak promove produtu tais Timor iha Japaun tanba iha kualidade ne’ebé di’ak.

Estudante hato’o lia hirak ne’e iha komemorasaun loron restaurasaun Independénsia ba da-15 iha Japaun ho tema Festa de Timor-Leste.

“Ha’u hakarak kria produtu balun ba tais Timór. Tanba tais Timór ne’e kualidade di’ak tebes”, dehan Ugi.

Antes ne’e nia mai ona iha Timor-Leste no iha ona esperiénsia servisu hamutuk ho timoroan sira. “Ha’u bá ona Timór. Ha’u mai  iha ne’e sente hanesan iha Timór”, hatutan nia bainhira partisipa iha eventu komemorasaun. Aliende ne’e nia mós promete sei halo promosaun kafé Timór iha Japaun.

Estudante Xineza  Guiqi ne’ebé prezensa iha selebrasaun loron istóriku ne’e haree katak relasaun entre ema Japaun ho Timór forte durante ne’e no ba futuru.

Naomi Amakawa, estudante husi Estadus Unidus Amerika ne’ebé voluntáriu ba eventu komemorasaun loron restaurasaun ne’e kontante bele koñese ema husi embaixada Timór nian no NGO sira ne’ebé servisu iha Timór sai di’ak liután iha futuru.

“Sente orgullu ba komunidade Japaun sira ne’ebé iha ideia hodi komemora loron restaurasaun Timor-Leste”, dehan Letigia Corbafo, estudante timoroan.

Nune’e mós Jerente Adjuntu Departamentu Sudeste Aziátiku iha JICA ba Timor-Leste, haree ba partisipasaun iha eventu ne’e sai sinál pazitivu ne’ebé di’ak, tanba ema barak fó atensaun ba Nasuan ne’e iha futuru.

Kontributór Tatoli: Dulce Martins

1 COMMENT

  1. hau Este mos orgulho tebes ba ita boot sira mensagen nebe mak hau hetan ,liu husi ita nia cultura mak hatene ema nia cultura,apresia tebes ema japan no ema timor oan ho interesante hodi hatudu identidade cultural ba mundu,

HUSIK IDA HATÁN