Internet Difikulta Servisu Saúde Família

0
61
Foto MS

DILI, (TATAOLI) – Vise-Ministra Saúde (MS), Ana Isabel Soares hateten programa saúde família durante ne’e ladauk atinje pursentu 100 liu-liu sistema dijitál tanba internet difikulta duni profisionál saúde atu hatama dadus.

“Tuir relatóriu semana kotuk,  sistema manuál to’o ona pursentu 100, enkuantu dijitál atinje ona pursentu 78”, haktuir Vise-MS, Ana Isabel Soare ba Ajénsia TATOLI iha Palásiu Governu, ohin hafoin reuniaun Konsellu Ministru.

Tuir nia, programa saúde família iha munisípiu 12 inklui Rejiaun Autonomu Enkave Oe-cuse Ambeno (RAEOA), entre munisípiu sira ne’e hosi Lautem, Viqueque no Oe-Cusse mak sistema dijitál ladauk atinje pursentu 100 tanba internet ladun funsiona di’ak hodi fasilita profisionál saúde atu halo servisu efetivu, maibé garante katak iha 20 maiu ne’e, Ministériu Saúde sei aprezenta relatóriu ba Primeiru Ministru, Rui Maria de Araujo.

Durante ne’e, governu fasilita komputadór, modem no seluk tan ne’ebé fasilita duni profisionál saúde atu halo servisu efetivu maibé dalaruma rede mak ladun suporta di’ak, maibé hein katak 20 maiu dadus manuál tantu dijitál kompletu ona atu bele aprezenta ba Primeiru Ministru.

Jornalista: Zezito Silva

Editora: Rita Almeida

HUSIK IDA HATÁN