Henrique do Rosario Eleitu ba Prezidente Almamor

0
215
Estrutura eleitu Almamor halo juramentu molok hala´o kna´ar. Imajen Ajénsia TATOLI/Xisto Freitas

DILI, (TATOLI) – Kompozitór múzika no eis jestór Banda Múzika Infernu Baucau, Henrique do Rosario “Waiwatu” eleitu ba Prezidente Associação Nacional de Músicas de Timor-Leste (ALMAMOR) periodu 2017 to’o 2022 iha terseiru kongresu Almamor ne’ebé hala’o durante loron rua (4-5 Maiu 2017) iha Sentru Konvensaun Dili.

Henrinque ho nia estrutura Pakoite B eleitu ho votu 150, enkuantu Pakote A ne’ebé lidera hosi artista senior, Nino Pereira hetan votu 35 no nulu 4.

Henrique do Rosario

Kompozisaun hosi pakote A maka Nino Pereira (prezidenti),  Abio Salsinha (vise prezidenti), Manuel Smith (sekretaris I) no Enia Matos (sekretaris II). Pakote ne’e hetan asinatura hosi kongresista 53.

Kompozisaun pakote B Henrique do Rosario (prezidenti), José Freitas (vise prezidenti I), Ano Académica (vise prezidenti II), Jesica Maria (sekretária jerál) no Quito Belo (vise sekretáriu jerál). Pokote ne’e hetan asinatura hosi kongresista hamutuk 123.

Iha nia deskursu, Henrique do Rosario hateten sei serbisu hamutuk ho governu no aprezenta Almamor nu’udar asosiasaun úniku ne’ebé maka mete múzika iha Timor.

Sei koordena ho banda múziku sira atu hatama programa, nune’e Almamor bele fasilita hodi dezenvolve di’ak liu-tan banda múzika sira iha Timor.

Iha biban ne’e, artista senior timoroan ne’ebé durante ne’e halimar filme iha Indonézia, Abio Salsinha hatete simu rezultadu lakon ne’e.

Tuir nia lakon ka manán la-importante maibé artista múziku timoroan tenke hamutuk para dezenvolve talentu no hadi’a kualidade.

Jornalista: Xisto Freitas

Editora: Rita Almeida

HUSIK IDA HATÁN