Hakarak Negósiu Tenke Kumpri Lei

0
128
Foto google

DILI, (TATOLI) – Servisu Rejistu no Verifikasaun Emprezariál (SERVE) sei koopera hamutuk ho Autoridade Munisipál Dili atu halo divulgasaun informasaun ba emprezáriu ka negosiante nasionál no internasionál ne’ebé hakarak halo negósiu tenke kumpri lei tanba ne’e edukasaun importante liu antes foti sansaun.

Diretór SERVE, Florêncio Sanches hatete iha Matadouru, ohin, diseminasaun ba infomasaun ne’e sei halo iha fulan ida ne’e nia laran liuhusi meiu panfletu, bildboard no diretamente bá halibur negosiante para eduka sira.

Edukasaun ne’e atu fó hanoin ba emprezáriu hotu bainhira halo negósiu tenke iha fatin ida no tuir lei ne’ebé iha nomós sasán ida ne’ebé bele fa’an no labele.

Enkuantu negosiante sira seidauk hatene katak depois hetan sertifikadu tanba kumpri dekretu lei 7/2006 kona-ba kódigu atu rejistu komersiál númeru 35/2012 maibé lakumpri dekretu lei kona-ba lisensiamentu komersiál.

“Sira lahatene atu hatene ida ne’e liuhusi edukasaun kona-ba lei sira ne’ebé sira sei kumpri. Kuandu ita eduka sira no hatene ona maibé mantein nafatin lakohi kumpri mak ita fó sansaun”, Florêncio subliña.

Kona-ba negosiante sira ne’e hetan sertifikadu autorizasaun ne’ebé SERVE hasai bazea ba deklarasaun liuhusi estatutu kompañia katak sei halo atividade iha sede prinsipál ne’ebé fizíkamente iha la’ós iha ambulante.

Hatutan tan, negósiu ambulante bandu iha lei ida ne’ebé lafó no lei ne’e hatete bele fó ambulante maibé iha fatin ida ne’ebé ambulante sira ba dezigna tiha ona ho ministériu relevante katak dadeersán lori bá no laraik lori fila nomós labele tau iha estrada prinsipál sira.

Bainhira akontese apreende negosiante ambulante sira-nia sasán husi Guarda Munisipál Dili, SERVE seidauk iha informasaun maibé infelizmente akontese tiha ona.

Iha sorumutuk ne’ebé realiza husi Provedoria Direitu Umanu no Justisa ne’ebé partisipa husi ministériu relevante katak negosiante sira kulpa tanba lahatene. Atu hatene maka alerta informasaun katak halo uluk sosializasaun no iha fulan hirak nia laran laiha ona asaun tanba koordenasaun la’o hela.

“Para ita-nia maluk sira hatene, labele tun bá halo sansaun. Sira mós kontribui taxa no ida ne’e mak ha’u apresia tebes, se uitoan ka barak sira kontribui nu’usá mak ita hamate. Di’ak liu ita bá tuir hanorin sira para haburas liután”, diretór katak. 

Jornalista: Maria Auxiliadora

Editora: Rita Almeida

HUSIK IDA HATÁN