Governu-Xina Asina Nota Atendimentu Importante Rua

0
128
Ministru Negosiu Estranjeiru no Koperasaun, Hernani Coelho akompaña hosi Ministru MKIA, Constâncio Pinto no Sekretáriu Estadu Komunikasaun Sosiál, Nélio Isaac Sarmento ka'er liman ho embaixadór Xina iha Timor Leste, Liu Hong Yang hafoin asina MoU kona-ba implementasaun akordu rua iha salaun MNEK, kuarta, (3/5). Foto TATOLI/António Goncalves

DILI, (TATOLI) – Governu Timor-Leste (TL) liuhosi Ministériu Negósiu Estranjeiru no Kooperasaun (MNEK) no Xina liuhosi embaixadór asina nota atendimente importante rua ba implementasaun projetu Grain Depot and Grain processing facility no projetu DTMB TV Demonstration iha salaun VIP MNEK, kuarta (3/5).

“Asinatura nota atendimentu entre governu Timor-Leste no Xina hanesan projetu ne’ebé rezulta husi akordu kooperasaun téknika-ekonómika husi Nasaun rua ne’e iha tinan hirak liuba, prosesu ne’e naruk ho servisu maka’as husi Ministériu Komérsiu, Industria no Ambiente (MKIA) no Sekretariadu Estadu Komunikasaun Sosiál (SEKOMS), ita iha oportunidade atu bele haree hamutuk troka nota atu simboliza inísiu programa rua ne’e”, katak MNEK.

Governante ne’e informa atividade rua ne’e, governu Xina sei kontribui ba seguransa natar liuhosi rezervasaun kresimentu ne’ebé MKIA sei hala’o iha Baucau no Natarbora atu ai-musan, hare musan, batar musan no fore musan ne’ebé agrikultór sira produs labele estraga no rai ho di’ak, nune’e bele uza durante tinan tomak.

Hatutan tan, programa seluk husi SEKOMS sei implementa projetu Televizaun Digital Terresterial Multimedia Broadcasting (DTMB) no tuir Embaixadór Xina nia estimasaun bele fó asesu ba 200.000 espektadór.

“Ida ne’e sei fó oportunidade di’ak ba ita nia populasaun atu bele asesu ba informasaun”.

Jornalista: Julia Chatarina

Editora: Rita Almeida

HUSIK IDA HATÁN