Governu Tenke Atensaun ba Edukasaun Hodi Atinje ODS

0
49
Sekretáriu Estadu ba Apoiu no Promosaun Sósiu-Ekonómika ba Feto (SEM), Veneranda Lemos Martins bainhira partisipa iha talk show Ita-Nia Governu. Foto/António Gonçalves. Foto/António Gonçalves.

DILI, (TATOLI) – Diretór Forum Organizasaun Naun Govermentál Timor-Leste (FONGTIL) husu governu atu tau atensaun másima iha tarrefa Orsamentu Jerál Estadu (OJE) ba edukasaun, nune’e bele atinje Objetivu Dezenvolvimentu Sustentavel (ODS).

“Ami-nia pontudevista katak sé ita adota ona, Governu tenke tau nia orsamentu bazeia ba prioridade sira ne’ebé iha ita-nia rai-laran para iha 2030 ita bele atinje, mínimu iha nivel nasionál”, dehan Arsenio Pereira foin lalais ne’e iha Dili.

Governu tinan ne’e ladún tau atensaun másima iha tarrefa Orsamentu Jerál Estadu (OJE) ba edukasaun tanba alokasaun ne’e iha porsentu hitu de’it.

ODS númeru haat  kona-ba kualidade no edukasaun katak garante asesu ba edukasaun ho kualidade  ne’ebé efetivu, inkluzivu no promove oportunidade ba aprendizajen durante moris tomak ba ema hotu.

Tanba Timor-Leste adota ona ODS, tuir nia kuandu orsamentu Estadu lasuporta maka atu atinje ODS susar tebes.

Iha OJE 2017 Governu aloka osan ba Ministériu Edukasaun hamutuk U$86,074,435.00.

Aleinde ne’e iha ODS númeru rua kona-ba halakon hamlaha ne’ebé hatete elimina ki’ak, alkansa seguransa ai-han, hadi’ak nutrisaun, no promove agrikultura sustentavel maibé alokasaun ba Ministériu Agrikultura no Peska (MAP) iha porsentu rua de’it.

IV Governu Konstitusonál iha tinan 2017 aloka orsamentu ba MAP ho totál U$16,192,405.00.

Jornalista: Maria Auxiliadora

Editora: Rita Almeida

HUSIK IDA HATÁN