iklan

NASIONÁL, DILI, MANATUTO, MUNISÍPIU

Governu Inagura Rezidénsia Administradór Manatutu

Governu Inagura Rezidénsia Administradór Manatutu

Vise Ministru Administrasaun Estatál, Tomas Cabral. Foto espesiál

DILI, (TATOLI) – Governu liuhosi Ministériu Administrasaun Estatál (MAE) halo inagurasaun rezidénsia Administradór iha Manatutu, ohin.

Vise Ministru Administrasaun Estatál, Tomas Cabral ba Ajénsia Tatoli iha Edifísiu Estatál esplika halo rezidénsia Administradór nian atu sira bele iha autoridade, bele hakmatek iha fatin kuandu komunidade presiza bele hasoru ho fasíl.

“Administradór kuandu simu pose laiha posibilidade hafatin atu hela, enkuantu uluk iha uma Estadu ida iha IV governu konstitusionál maibé la konsege fó ba administradór maibé sai fali rezidénsia ba veteranu atu haloot mate ruin”, haktuir.

Rezidénsia ne’e rehabilita hosi programa dezenvolvimentu integradu munisipál (PDIM) atu administradór bele hela permanénsia hodi bele halo prestasaun servisu ho di’ak ba komuidade.

Enkuantu, durante ne’e administradór munisípiu Manatutu hela iha Laleia hafoin mai servisu iha administrasaun Manatutu, entaun rezidénsia ne’e ajuda atu servidór bele hakmatek hodi fo asisténsia administrativu no hakbesik governasaun ba povu.

Orsamentu PDIM ba rehabilitasaun rezidénsia ho montante U$100.000, ne’ebé fahe ba kategória rua mak U$700.000 ba rehabilitasaun no U$30.000 ba sasan uma laran nian.

Entretantu, munisípiu Dili terra propriedade ladauk atribui fatin atu halo rezidénsia, maske nune’e, Baucau, Manufahi, Viqueque, Ainaru no Aileu iha ona fatin atu hela.

Enkuantu, Lautem presiza atu halo mantensaun, Suai ladauk halo rehabilitasaun, Bobonaro seidauk iha, Ermera ladauk iha.

Jornalista: Zezito Silva

Editora: Rita Almeida

iklan
iklan

Leave a Reply

iklan
error: Content is protected !!