Governu Deside Resensiamentu iha Korea, Inglatera no Irlandia

0
353
Resensiamentu no atualizasaun baze dadus halo ba ema Timoroan iha rai liur hodi partisipa eleisaun parlament'ar, dadaun ne’e hosi Ministériu Negósiu Estaranjeiru (MNEK) no Kooperasaun orienta ona hodi halo inskrisaun ba fatin ne’ebé determinadu. Foto TATOLI/Egas Cristovão

DILI, (TATOLI) – Diretór Jerál Sekretariadu Tékniku Administrasaun Eleitorál (STAE), Acilino Manuel Branco hateten governu halo rezolusaun hodi loke tan resensiamentu iha Korea, Inglatera, Irlandia, Austrália no Portugal.

Tuir lei resensiamentu no atualizasaun baze dadus responsabiliza hosi konsuladu sira atu nune’e hahú identifika no rejista Timoroan iha nasaun ne’ebé identifikadu hafoin sira bele tuir resensiamentu.

“Resensiamentu no atualizasaun baze dadus halo ba ema Timoroan, dadaun ne’e hosi Ministériu Negósiu Estaranjeiru (MNEK) no Kooperasaun orienta ona hodi halo inskrisaun ba fatin ne’ebé determinadu”, Acilino ba Tatoli iha nia servisu fatin Kaikoli, ohin.

STAE koordena ho MNEK atu tempu badak bele lori ekipamentu no materiál, enkuantu MNEK mós identifika funsionáriu diplomata ne’ebé sei prejide prosesu resensiamentu no atualizasaun baze dadus hafoin diplomata sira hetan formasaun hosi orgaun eleitorál.

Entretantu, eleisaun lejislativa sei monu iha sabadu loron 22 fulan-jullu tinan ne’e.

Jornalista: Zezito Silva

Editora: Rita Almeida

HUSIK IDA HATÁN