Governu Aprova Tarefa Lisensa Peska

0
38
Enkontru Konsellu-Ministru sira. Foto/GPM

DILI, (TATOLI) – Ministru Koordenadór Asuntu Ekonómiku, Estanislau Aleixo da Silva aprezenta segundu alterasaun ba Dekretu Governu númeru 2/2015, 6 jullu nian kona-ba tarefa lisensa peska nian, inspesaun servisu ba relativu ba atividade peska ne’ebé hetan ona aprovasaun iha reuniaun Konsellu-Ministru, ohin.

“Dekretu Governu ne’e halo revizaun ba tarifa, uluk iha 160 dólar pur tonelada, agora sa’e ba 1000 dólar pur tonelada. Depois bá oin bele haree atu aumenta tan mas ita labele aumenta dala-ida tanba ita tuir mós situasaun iha, Ázia, Sudeste Aziátiku ho Pasífiku nian”, Estanislau dehan iha Palásiu Governu.

Iha parte seluk, Ministru informa mós Prezidente Repúblika promulga ona lei sosiedade komersiál no lei ne’e importante tebes ba investidór sira nomós Dekretu Lei kona-ba kódigu rejistu komersiál ne’ebé hola parte ekonomia nian.

“Tanba ne’e mak atrai ema investidór sira mai investe iha ita-nia rai”. Aleinde ne’e, horisehik Parlamentu Nasionál aprova Lei Rejime Jerál Floresta. “Pela primeira vez iha ita-nia istória, ita-nia rai iha buat ida kona-ba rejime jerál. Ne’e serbisu ida ne’ebé ami konsege halo, Governu anteriór laiha lei”.

Nune’e mós, ba dahuluk ratifika mós konvensaun internasionál kona-ba propriedade intelektuál.

Jornalista: Maria Auxiliadora

Editora: Rita Almeida

HUSIK IDA HATÁN