Governu Aprova Rejime Asesu Dokumentu Ofisiál

0
63
Foto google

DILI, (TATOLI) – Governu liuhosi Konsellu Ministru aprova ona proposta Gabinete Primeiru Ministru hodi kria rejime ida fó lisensa ba jornalista sira atu asesu dokumentu ofisiál.

Tuir komunikadu ne’ebé ajénsia TATOLI asesu, rejime ne’e sei garante direitu asesu ba dokumentu ofisiál sira husi parte interesada ne’ebé integradu iha modelu governu nakloke.

Dekretu governu hodi kria rejimentu ne’e aprova ona iha loron 25 fulan-abril liuba. Regra mak órgaun no servisu administrasaun Estadu, munisípiu no empreza públika sira atu halo tuir hanesan forma atu garante direitu ba ema sira ne’ebé mak iha interese atu asesu dokumentu ofisiál sira, hatama iha modelu administrasaun ida ne’ebé nakloke.

Ministru Estadu no Prezidensia Konsellu Ministru, Agio Pereira liuhosi nota komunikadu ne’e hateten laiha dúvida ho órgaun komunikasaun sosiál livre no independente tanba papel importante ba dezenvolvimentu sosiedade ne’ebé justa no inklusivas, kontribui atu konkretiza objetivu 16 hosi dezenvolvimentu sustentável.

Governu kontinua hadi’a nesesáriu iha aktu no sentidu atu fasilita asesu informasaun no kontinua apóiu dezenvolvimentu iha setór dinamiku komunikasaun sosiál nian.

Loron mundiál ba liberdade imprensa, governante ne’e fó omenajen ba jornalista sira ne’ebé lakon ona vida hodi hanoin hikas sira ne’ebé lakon durante luta libertasaun.

Antes ne’e, Primeiru Ministru, Rui Maria de Araújo halo enkontu ho Prezidente no membru Konsellu Imprensa (KI) atu felisita tinan dahuluk KI nian ho partisipasaun nu’udar oradór prinsipál iha konferénsia internasionál ho tema; promosaun liberdade imprensa no liberdade espresaun iha sudeste aziátiku no pasífiku.

Atividade KI sei hala’o iha loron 9 no 10 fulan ne’e iha Dili.

Jornalista: Julia Chatarina

Editora: Rita Almeida

HUSIK IDA HATÁN