Futuru Garantidu Mai Husi Kakutak

0
97
Primeiru Ministru loke kongresu ne'e akompaña hosi ulun boot sira. Foto GPM

DILI, (TATOLI) – Eis-prezidente repúblika, José Ramos Horta bainhira sai oradór iha kongresu nasionál datoluk edukasaun nian ne’ebé organiza husi Ministériu Edukasaun (ME) apela ba foinsa’e sira atu estuda maka’as tan futuru garantidu la’ós depende de’it ba petróleu.

“Estuda la’ós de’it atu sai di’ak ka di’ak liu maibé sai ema ne’ebé mak di’ak, hothotu sai ema di’ak nasaun sei iha futuru ne’ebé garantidu”, salaun Lalini-Larigutu, CNE (Comissão Nacional das Eleições) ne’ebé hahú horseik.

Futuru ne’ebé garantidu la mai husi de’it petróleu no gás. “Maibé depende ba ita-nia jestaun, ita-nia kapasidade kakutak”, akresenta diplomata seniór ne’e.

Tanba ne’e nia apela joven sira atu estuda no kontinua estuda maka’as hodi sai ema ne’ebé mak di’ak.

Nune’e mós, eis-prezidente hateten, iha prosesu hotu bainhira edukasaun sai di’ak, ita labele halo vaidade. “Edukasaun atu sai di’ak, la’ós atu halo vaidade, la’ós atu halo egoizmu, entaun tenke iha antes iha kurikúlu kona-ba valór umanu, solidaridade”, esplika.

“Nune’e sira ne’ebé sai husi eskola iha espiritu no valór umanidade hodi serbi nasaun, serbi umanidade” konklui.

Jornalista: Rafy Belo

Editora: Rita Almeida

HUSIK IDA HATÁN