Fitun Estudante Halakon Emanuel FC

0
84
Kapitaun ekipa FIEL, Sabino Pereira,lori bola atu pasa ba ninia belun sira. Imajen Mídia LFA

DILI (TATOLI)—Fitun Estudante Lorosa´e (FIEL) FC halakon  Emanuel FC iha jogu apuramentu ekipa promosaun segunda divizaun Liga Futeból Amadora  (LFA) ne´ebé hala´o iha Estádiu Munisipál Dili, sesta horsehik.

Emanuel FC lakon ho FIEL ho golu 1-2. Golu rua ne´ebé lori FIEL ba vitória atribui hosi jogadór seniór médiu no kapitaun ekipa, Sabino Pereira (14), iha minutu 22 no 73.

Ho rezultadu ida ne’e, Fitun Estudante hakat liu ba faze tuir mai no sei hala´o jogu iha loron Kuarta (24/5/17) kontra ekipa manán na´in entre FC Irmãos Unidos kontra FC Leopa, ne´ebé sei kontra malu iha domingu aban.

Enkuantu, Emanuel FC rasik tenki sai kedas hosi jogu ne´ebé uza sistema bota fora ne’e.
Golu úniku hosi Emanuel FC nu´udar rezultadu hosi Auto Golu (gol bunuh diri) ne´ebé maka halo hosi jogadór Fitun Estudante, Mário Guterres iha minutu 25.  (Jornalista: Xisto Freitas)

HUSIK IDA HATÁN