Filme Dokumentáriu Kanta Timór iha Japaun

0
57
Canta Timor.

JAPAUN, (TATOLI) – Produtór filme, Natsuko Hirota realiza filme dokumentáriu “Kanta Timór” ne’ebé partisipa husi estudante sira husi universidade oioin  iha Tokyo, nomós komunidade baibain Japaun nian iha eventu Cinema Chupky Tabata Tokyo, horisehik.

Talkshow hafoin asiste filme “Canta Timor”.

Filme ne’e hatudu sobre “Filozofia Múzika Timór”, rezisténsia povo no kultura ho fiar.

Partisipante ne’ebé asite filme ne’e hatudu sira-nia espresaun sentimentu profundu ba filme ne’ebé iha diferensa dook ho Japaun nia moris, no filme ne’e mos sai informasaun interesante no úniku ba haree na’in sira ne’ebé marka prezensa.

Hafoin aprezenta filme, kontinua ho programa talkshow ne’ebé fasilita partisipante sira bele husu pergunta kona-ba Timor-Leste.

Bainaka ba talkshow ne’e mak estudante timoroan, Palmira Araujo no Tomomi husi Japaun.

Iha sesaun husu no hatán, estudante Satoko Nagata husi Keio University hato’o nia pergunta “Tanba saida mak sistema iha Timor-Leste, joven Timór sira ladún halo serbisu maka’as ba sira-nia futuru kompara hanesan iha Japaun?

Hatán ba pergunta ne’e orador na’in-rua dehan tanba karik iha Timór, Governu sei fó subsídiu barak husi fundu petrolíferu nian ba populasaun sira, ho ida ne’e hamenus ema atu haka’as-aan nomós fatin servisu ne’ebé limitadu.

“Agora ne’e Governu Japaun mós ajuda iha parte kria merkadu servisu mós ba Timór”, Tomomi informa.

Aleinde ne’e, estudante japonés, Masato Nakazawa husi Waseda University hafoin observa iha filme hatete, Timór mak nasaun ida ne’ebé riku iha nia karater no identidade.

“Ha’u-nia hanoin, Timor-Leste bele halo di’ak liu nia dezenvolvimentu ne’ebé idéntiku ka orijinál tuir ema Timór nian rasik”. 

Kontribuidór: Dulce Martins

HUSIK IDA HATÁN