Eventu Ikus MKIA Mak Feira 20 Maiu

0
43
Atividade feira ne'ebé antes ne'e MKIA organiza iha Kristu Rei. Foto dokumentasaun MKIA

DILI, (TATOLI) – Feira 20 Maiu ne’ebé sei realiza iha Sentru Konvensaun Dili husi loron 16 to’o 19 hanesan eventu espozisaun ikus Ministériu Komérsiu Indústria no Ambiente (MKIA) nian iha mandatu Governu Konstitusionál da-neen nian.

Diretór Promosaun no Marketing-MKIA, Anibal Carvalho Martins ba TATOLI informa, ohin, MKIA hola parte iha komisaun nasionál ba komemorasaun tinan 15 restaurasaun independénsia 20 Maiu 2017 no serimónia tomada pose Prezidente Repúblika, nune’e papél ministériu mak organiza feira iha ámbitu loron istóriku.

Espozisaun nasionál ne’e haruka ona konvite ba instituisaun Governu  hotu, setór privadu, Kámara Komérsiu Indústria Timor-Leste (KKI-TL), Asosiasaun Emprezáriu atu partisipa.

Konvida mós grupu ki’ikoan ne’ebé hetan apoiu husi Governu liuhusi MKIA, ne’ebé investe ona osan boot ba grupu sira ho rezultadu ne’e mak sei aprezenta iha espozisaun.

Ministériu iha hanoin atu tau tema ba espozisaun mak “Liuhusi feira 20 Maiu hatudu progresu dezenvolvimentu setór ekonomia iha Timor-Leste”.

“Atu haree progresu ba tinan lima governasaun ida ne’e. Feira ida ne’e mós hanesan eventu ikus ministériu nian no governasaun ida ne’e”, dehan tan.

Jornalista: Maria Auxiliadora

Editora: Rita Almeida

HUSIK IDA HATÁN