EUA Kontente ho Demokrasia Timor-Leste

0
53
Patrick Murpyh bainhira hasoru malu ho Xefe Estadu sesante. Foto Tatoli/Antonio Goncalves

DILI, (TATOLI) – Embaixadora Estadu Unidos Amérika (EUA), Karen Stanton hateten prosesu dezenvolvimentu demokrasia iha Timor-Leste la’o di’ak bazeia ba lei no ordem.

“Ami kontente ho prosesu demokratizasaun ne’ebé la’o ona iha Nasaun ne’e, obidénsia ba lei no ordem ne’ebé la’o furak loosʺ, dehan hafoin hasoru Prezidente Repúblika sesante, Taur Matan Ruak iha Palásiu Prezidensiál Bairo-Pite Dili, kinta (18/5).

EUA kontinua iha kompromisu atu apoiu, promove demokrasia iha Nasaun ne’e. “Ami hakarak atu kontinua nafatin kria koperasaun ba servisu sira ne’ebé la’o ona durante tinan 15”, hatutan.

Delegadu Prezidente EUA, Donald J, Trump ba restaurasaun independésia no seremonia tomada posse Prezidente eleitu, Francisco Guterres Lú-olo hatete Nasaun ne’e susesu iha eleisaun prezidensiál ne’ebé hala’o ona iha fulan-marsu liuba.

“Estadu Unidu Amerika fahe valór no prinsìpiu komun barak ne’ebé halo Nasaun rua ne’e metin liutanʺ, dehan Patrick Murpyh.

Jornalista: Agapito dos Santos

Editora: Rita Almeida

HUSIK IDA HATÁN