EUA Kongratula Timor-Leste

0
98

DILI, (TATOLI)—Delegadu Prezidente Estadu Unidu Amérika (EUA), Donald J. Trump ba restaurasaun indepedénsia no tomada posse prezidente eleitu, Francisco Guterres Lú-Olo halo sorumutu ho xefe governu, Rui Maria de Araújo, ohin iha Palásiu Governu hodi kongratula Nasaun ne’e.

“Ha’u mai nu’udar delegasaun Amérika hodi kongratula Timor-Leste”, hato’o eis-voluntáriu korpu paz iha Kamerun ne’e hafoin enkontru.

Patrick Murphy informa sorumutu ne’e mai transmite mensajen husi prezidente Donald Trump nian katak Timor-Leste susesu tebes iha nia eleisaun prezidensiál ne’ebé hala’o ona iha marsu.

Nia informa mós katak sira-nia prezensa mai hodi asiste direta prosesu transferénsia poder prezidensiál nian husi prezidente repúblika atuál, Taur Matan Ruak ba prezidente eleitu, Francisco Guterres Lú-Olo.

Eis-vise xefe misaun no Chargé d’affaires iha Tailándia ne’e mós haktuir sorumutu ne’e, EUA mai demonstra katak sira nafatin iha vontade hodi halo kooperasaun ho nasaun ne’ebé foin restaura nia indepedénsia ba dala-15 ne’e.

Breve sorumutu ne’e, delegadu husi prezidente Donald J. Trump ne’e akompañadu mós husi embaixadór EUA ba Timor-Leste, Karen Stanton.

Jornalista: Rafy Belo

Editora: Rita Almeida

HUSIK IDA HATÁN