EUA ho PNTL no Austrália sei Organiza Konferénsia ba Investigadór

0
53
Logo USAID

DILI, (TATOLI) – Misaun Estadu Unidu iha Timor-Leste sei organiza Konferénsia ba Investigadór intituladu “Unifika Setór Justisa no Aplikasaun Lei iha Timor-Leste” hamutuk ho Polísia Nasionál Timor-Leste (PNTL) no programa apoiu Austrália nian hanaran Programa Dezenvolvimentu Polísia Timor-Leste (TLPDP) iha Otél Beach Garden Praia dos Coqueiros, Dili. 

Tuir komunikadu ne’ebé Tatoli simu esplika, objetivu konferénsia loron tolu ne’e  atu hasae utilizasaun PNTL nia sistema jestaun insidente hodi hadi’a efisiénsia investigasaun nian no akuzasaun liu husi ofisial ligasaun Ministériu Públiku nian no atu hametin liu tan komunikasaun entre prokuradór no investigadór sira hodi prosesa kazu krime sira ho susesu no tuir tempu ne’ebé determina.

Oradór balun mak sei ko’alia iha konferénsia ne’e inklui husi FBI (Federal Bureau of Investigation). Xefe Ofisial Ligasaun Ministériu Públiku nian husi munisípiu sira, investigadór PNTL nian, prokuradór husi munisípiu sira no ajente sira iha setór justisa nian mak sei partisipa iha eventu ne’e.

Embaixadora EUA, Karen Stanton planeadu atu partisipa abertura hamutuk ho Embaixadór Australia, Prokuradór Jerál no Komandante Jerál PNTL ne’ebé sei hala’o iha loron 25 fulan Maiu 2017, tuku 8.00 iha Otél Beach Garden.

Jornalista: Julia Chatarina

Editora: Rita Almeida

HUSIK IDA HATÁN