Emviadu Espesiál Reprejenta SEKJER ONU Partisipa 20 Maiu

0
172
Ministru Negosiu Estranjeiru no Koperasaun, Hernani Coelho. Foto dokumentasaun Tatoli

DILI, (TATOLI) – Ministru Negosiu Estranjeiru no Koperasaun, Hernani Coelho hateten simu ona konfirmasaun hosi Sekretáriu Jerál Organizasaun Nasoens Unidos (ONU) delega ona enviadu espesiál ida hodi vizita Timor-Leste, partisipa seremonia tomada pose no restaurasaun independénsia ba 15.

ʺSekretáriu Jerál ONU ita konvida duni mai atu partisipa ita nia konferénsia internasionál ida kona-ba objetivu dezenvolvimentu sustentavel maibé nia labele mai diretamente hodi haruka enviadu espesiál ida ho delegasaun maka sei mai”, dehan governante iha Muzéu Rezisténsia Dili, ohin.

Maibé governante ne’e lakohi públika antes naran enviadu espesiál SekJer ONU ne’e ba públiku. Governante ne’e hateten kuaze nasaun lima maka konfirmadu sei haruka ninia Xefe Estadu no governu hodi partisipa.

Nasaun hirak ne’e hanesan Austrália, Tailándia no nasaun tolu seluk konfirmadu partisipa. ʺPosivelmente hosi Austrália, Xina, Japaun no Korea sei maiʺ, katak tan.

Konvidadu espesiál sira ne’e sei to’o iha Dili, hahú loron 18 fulan-maiu 2017.

Jornalista: Agapito dos Santos

Editora: Rita Almeida

HUSIK IDA HATÁN