DIT Tama ona Faze Dezenvolvimentu

0
52
Reitór DIT foto hamutuk ho ninia estrutura. Foto dokumentasaun DIT

DILI, (TATOLI) – Prezidente Repúblika, Taur Matan Ruak hatete Dili Institute of Technology (DIT) oras ne’e tama ona iha prosesu dezenvolvimentu instituisaun hodi produz rekursu úmanu iha rai laran.

“Ita haree instituisaun ida ne’e nia vida iha faze haat; levantamentu, dezenvolvimentu, konsolidasaun no sustentasaun, maibé imi sei iha faze dezenvolvimentu”, Observasaun ne’e hato’o bainhira partisipa misa agradesementu tinan ba dala 15 iha knua DIT Aimutin, tersa (9/5).

Atu atinje objetivu ba produsaun rekursu úmanu, DIT tenke servisu maka’as iha futuru. “Tenke servisu maka’as liutan para konsolida no sustenta ba tempu naruk”.

Reitór DIT, Manuel Vong hatutan katak durante ne’e sira produz ona rekursu úmanu iha área siénsia enjeñaria, jestaun no komersiu, jestaun turizmu no estudu petroliferu.

“Turizmu ita bele dehan riku soin ida ne’ebé la-hotu maske mina maran, tan ne’e ita hotu hein katak sustentabilidade dezenvolvimentu Timor depende ba turizmu”, katak tan.

Tuir derijente ne’e, área turizmu no estudu petroliferu sai alternativu atu dezenvolve ekonomia rai laran.

Seremonia ne’e Prezidente Repúblika entrega mós livru ne’ebé hakerek kona-ba vizita suku 442 durante mandatu tinan lima ba reitór DIT.

Jornalista: Agapito dos Santos

Editora: Rita Almeida

HUSIK IDA HATÁN