iklan

NASIONÁL, DILI, MUNISÍPIU

Dezenvolvimentu Tenke Partisipativu

Dezenvolvimentu Tenke Partisipativu

DILI, (TATOLI) – Dezenvolvimentu la’o presiza ema hotu nia involvimentu, loke oportunidade ba ema hotu, fó valór ba ida-idak nia kapasidade hodi kontribui ba dezenvolvimentu Nasaun nian.

Primeiru Ministru, Rui Maria de Araújo hatete iha nia diskursu kona-ba konferénsia nasionál ho tema “Feto no Labarik feto partisipa ativu no responsivu iha dezenvolvimentu sustentavél” ne’ebé hala’o iha Novo Turizmu, ohin.

“Ema hotu tenke fihir-án hodi husu pergunta, saida mak ha’u bele halo hanesan ema Timoroan, tanba sakrifisiu koloniál ita ultrapasa ona maibé jerasaun foun tenke banati hodi dudu dezenvolvimentu”, dehan.

Nasaun ne’e ukun-án durante tinan 15, ema hotu no liuliu feto no labarik feto sira foti desizaun importante liuhosi kria pás, estabilidade hodi hakat ba dezenvolvimentu nasionál.

Durante livre hosi koloniál, oportunidade prova katak respeitu igualidade jéneru boot tebes atu feto ho mane bele servisu hamutuk ba povu no Nasaun.

Tenke haforsa sensibilidade no koñesimentu, oinsá garante feto ho labarik feto partisipa iha prosesu dezenvolvimentu.

Feto ho mane tenke servisu hamutuk, mane tenke fó apoiu maka’as liu tan ba feto, mane iha responsabilidade adisionál atu apoia, la signifika feto lakohi fó apoiu ba mane. Sosiedade ne’e, feto presiza hamriik iha oin atu lidera.

Jornalista: Zezito Silva

Editora: Rita Almeida

iklan
iklan

Leave a Reply

iklan
error: Content is protected !!