Deskansa ho Dame Mário Viegas Carrascalão

1
4555

DILI, (TATOLI) – Mário Viegas Carrascalão hakotu ona ninia iis ho tinan 80, ohin iha Ospitál Nasionál Guido Valadares maizumenus tuku 11.00.

Ekipa médiku Ospitál Nasionál Guido Valadares muda ona mate isin saudozu hosi emerjénsia ba sala mortuariu. Foto Tatoli/Zezito Silva

“Ohin ha’u la-espera atu simu kondekorasaun, tanba ha’u halo servisu, obrigasaun nu’udar timoroan ida hetan posizaun hanesan governadór atu halo buat barak ba timor iha momentu neba”, dehan saudozu hafoin simu kondekorasaun hosi Prezidente Repúblika sesante, Taur Matan Ruak, kinta, (18/5) iha Palásiu Prezidensiál.

Hatutan: “La simu kondekorasaun mós ha’u nafatin iha obrigasaun atu servisu ba ita nia rai”, tenik eis Vise Primeiru Ministru asuntu Administrasaun Bo’a Governasaun iha tempu Aliansa Maioritaria Parlamentár.

Mensajen ikus ne’ebé eis governadór ne’e hato’o mak husu ba ukun nain sira, liliu jerasaun foun sira atu ukun rai ne’e ho responsabilidade no domin.
Ekipa Kobertura

1 COMMENT

  1. Mensazem murak nebe ita presiza kuda iha ita nia fuan, ukun Rai ida nee ho responsabiliidadde no domin.

HUSIK IDA HATÁN