Citilink Loke Rute Dili-Jakarta

0
208
Foto google

DILI, (TATOLI) – Low Cost Carrier (LCC) Citilink Indonézia sei loke vou rejionál dahuluk rute Dili ba mai Jakarta iha loron 12 fulan ne’e. Operasaun ne’e hanesan esforsu ida atu haluan konektividade Citilink no akomoda demanda nomos nesesidade kliente.

“Alende rute domestika ba Indonézia parte leste, tinan ida ne’e Citilink sei aumenta vou rejionál. Dili sei sai destinasaun vou rejionál dahuluk ne’ebé Citilink serve”, tenik Diretór Jerál Citilink Juliandra Nurtjahjo iha Jakarta liuhosi komunikadu ne’ebé Tatoli asesu tersa (2/5).

Nia esplika, Citilink iha setembru 2015 halo operasaun rute Denpasar-Dili hanesan vou charter ne’ebé nia halo jestaun hamutuk ho kompañia área lokál Timor-Leste. Krezimentu passajeiru ba rute charter ne’e purvolta pursentu neen to’o ualu. Ne’e duni tuir Juliandra oportunidade di’ak ba Citilink.

Akresenta tan, rute ne’e hanesan connecting flight hosi Jakarta ho tránzitu dala ida iha Denpasar no sei opera totalmente hosi Citilink Indonézia.

“Kresimentu turizmu no negósiu husi Dili ba Jakarta hatudu tendénsia pozitivu, ne’e duni Citilink deside atu buka rute vou rejionál. Rute ne’e espera bele akomoda demanda boot husi klientes no aumenta tan servisu”, tenik nia.

Citilink sei uza aviaun tipu Airbus A320 ne’ebé idade menus husi tinan haat ho kapasidade passajeiru 160 ba rute foun ho durasaun oras ida minitu lima nulu.

Citilink sei loke rute foun ne’e husi tuku 04:55 WIB (oras indonézia oeste) husi Jakarta-Dili, tránzitu iha Denpasar iha tuku 9:25 WIB.

Rute seluk Dili-Jakarta, sei loke husi tuku 13:20 oras Timor nian.

Jornalista: Julia Chatraina

Editora: Rita Almeida

HUSIK IDA HATÁN