Carrascalão : Xavier Moderadu-Nasionalista

0
491
Mário Viegas Carrascalão hetan intervista hosi jornalista sira iha Palásiu Prezidensiál, kinta, (18/5) hafoin simu kondekorasaun hosi Estadu liuhosi Prezidente Repúblika sesante, Taur Matan Ruak. Foto Tatoli

DILI (TATOLI)—Eng. Mario Viegas Carrascalão rekuñese Aman Proklamador Francisco Xavier do Amaral alias “Avo Xavi” ema ida moderado no nia nasionalista boot ba luta libertasaun Independensia.

“Estatua (Xavier-red) merese duni atu povu bele hatene istória,” Eis-Prezidenti Partidu Sosial Demokratiku, Mario Viegas Carrascalao, informa ba TATOLI bainhira hasoru malu iha nia hela fatin Komoro, Dili, horseik.

Avo Xavi, iha istoria Timor-Leste nu’udar Prezidenti dahuluk, ne’ebé proklama independensia unilateral 18 Novembru 1975 ho nune’e polítika hari nia estatuta iha rotunda merkadu antiga (futuru bolu rotunda Avo Xavi) nian nu’udar mesagem permanenti ida atu povu Timor-Leste hodi hanoin hikas kontribuisaun Avo Xavi durante periudu 28 Novembru 1975 to’o Maiu 1977.

“Ha’u kuñese Xavier (Saudozu) nia karakter moderadu, nasionalista primordiál, hakarak independénsia, realístiku no hatene katak ukun-an imediatu la posivél,” Carrascalão fó sasin.

Hodi dehan, aman Proklamadór Independénsia, Francisco Xavier do Amaral nu’udar pioneiru ba ema hotu atu banati tuir tanba nia espiritu patriotizmu no nasionalizmu.

Xavier do Amaral nu’udar ema ida que brani hodi luta ba Timor-Leste nia independensia totál, to’o hetan kastigo iha inimigo Indonezia sira nia liman.

(Jornalista : Zezito Silva)

(Editór : Manuel Pinto)

 

HUSIK IDA HATÁN