Atualiza Kartaun Eleitorál Hanesan Prosesu Armonizasaun Distritu Ba Munisípiu

0
88
Diretór Jerál Sekretariadu Tékniku Administrasaun Eleitórál (STAE), Acilino Manuel Branco. Foto STAE

DILI, (TATOLI) – Sidadaun ne’ebé atu atualiza kartaun eleitorál iha prosesu resensimentu, sei akontese mudansa naran distritu ba munisípiu no sub-distritu ba postu administrativu.

“Sidadaun ne’ebé iha ona kartaun eleitórál sei laiha data validasaun, mezmu muda hela fatin maibé naran palavra distritu ba munisípiu no sub-distritu ba postu administrativu tanba lei divizaun administrativu la eziste ona distritu maibé munisípiu, enkuantu kartaun identifikasaun sei vale ba prosesu eleisaun hotu-hotu”, esplika Diretór Jerál Sekretariadu Tékniku Administrasaun Eleitórál (STAE), Acilino Manuel Branco ba Ajénsia Tatoli ohin iha Kaikoli.

Ezemplu, kuandu eleitór hela iha Bekora maibé hakarak muda fatin ba Komoro, entaun nia naran sai ona iha ne’eba signifika katak kartaun eleitór foun sei atualiza ho munisípiu no postu administrativu, enkuantu kartaun identifikasaun hotu sei vale hodi tuir eleisaun parlamentár.

“Bainhira eleitór balun mak uza hela kartaun distritu ou postu administrativu kontinua vale nafatin atu bele ezerse direitu votu iha eleisaun parlamentar iha 22 jullu”, hateten.

Eleitór balun ne’ebé kontinua uza asinatura hosi diretór sesante nian bele kontinua vale nafatin atu bele ezerse direitu iha festa demokrásia maibé bainhira ba atualiza automatikamente sai ona informasaun foun.

“Ita rejistu ba eleitór ne’ebé mak foin mak atinje tinan 16 atu ba tinan 17, la’os ita rejistu foun hotu kedan hosi eleitór hotu ne’ebé mak partisipa iha eleisaun sira ba kotuk.

Jornalista: Zezito Silva

Editora: Rita Almeida

HUSIK IDA HATÁN