António Ema Portugés Maibé ‘Fuan’ Timoroan

0
337
Kondekoradu, António F. D. Cabral. Foto António Goncalves

DILI, (TATOLI) – António F. D. Cabral ema portugés maibé ‘fuan’ nu’udar timoroan tanba la-kolen ho espiritu luta maka’as, hatudu vontade no kompromisu liberta Timor-Leste hosi okupasaun koloniál.

José Ramos Horta bainhira dadalia ho jornalista sira iha Palásiu Governu, ohin. Foto António Goncalves

Situasaun difísil, natureza burokrasia ne’ebé komplikadu, belun ida ba povu timoroan, António Cabral, koko ho nia kbiit rasik organiza ema wa’in iha Estadu Machachuset hodi matan la ‘dukur’ba Timor nia terus.

“Nia apoiu Timor maka’as, preokupadu ho Timor-Leste, nia mesak mobiliza ema barak, Senadór Ther Kenedy, kongresista oin-oin, ema barak iha Estadu Machachuset nia mak mobiliza”, haktuir diplomata seniór, José Ramos Horta perante profosionál sira hafoin serimónia entrega Grande Colar ba António Cabral, ema portugés ne’ebé nia jornada moris hala’o iha Estadu Unidu Amérika (EUA).

Tanba kontribuisaun ba kauza Timor-Leste nian ne’ebé la sura loron no kalan, hafoin tinan 15 restaurasaun Indepedénsia povu Maubere nian, ikus mai Timor-Leste sura mós nia dedikasaun ba rai ida ne’e.

Maske iha prosesu luta, belun ida ba timoroan hotu, António Cabral, ran portugés husi nasaun belun CPLP (Comunidade dos Países da Língua Portuguesa) ne’e la ‘espera’ rekoñesimentu ruma maibé importante mak indepedénsia totál ba Timor-Leste.

“Nia ema ne’ebé di’ak tebes, kontribuisaun mai Timor-Leste besik tinan 27, momentu nia tama kongresu iha Estadu Machachuset nia preokupadu ona ho Timor-Leste”, apresia lider diplomátiku timoroan, José Ramos Horta.

Iha situasaun ida ne’ebé imposível katak bainhira hahú nia luta hodi kontribui ba Timor-Leste iha okupasaun Indonézia nian, ho nia espiritu patriótiku maske nu’udar ema portugés nia hahú halibur Amerikanu sira biar hahú ho ema oituan.

“Uluk ha’u ba iha ne’eba, molok ha’u koñese nia marka reuniaun ho ema oituan maibé neneik kazu Timor-Leste nian sai boot loos”, realsa tan eis-prezidente Repúblika ne’e.

Rezultadu husi esforsu ne’ebé António Cabral, ikus mai lori “Luz Verde” ida ba nia esperansa no esperansa koletiva husi sira ne’ebé hamriik firmw ida hamutuk ho nia iha Amérika hodi luta hasoru Indonézia atu nakfilak provínsia Timor-Timur sai estadu no nasaun soberanu ida iha mundu.

“Sira konsege hatama lei iha parlamentu Estadu Machachucet nian atu proibe (bandu) kompañia Amerikanu iha Estadu Machachuset labele halo investimentu iha Indonézia”, reforsa tan lider timoroan ne’e.

Eis-diplomata, José Ramos Horta hateten, Estadu Machachuset hanesan Estadu iha Amerika liberal tebes no sira hatama lei ida atu halo sansaun ekonómika Estadu nian maske governu federal la-konkorda maibé sira halo.

“Luta ne’e difísil loos maibé estadu ne’e liberal no estadu prestíziu boot tanba universidade no família Jhon Kenedy mós iha ne’ebá”,konklui.

Jornalista: Zezito da Silva

Editora: Rita Almeida

HUSIK IDA HATÁN