Antes Implementa ODS TL Iha Ona PEDN

0
170
Premiandu Novel ba Pás, José Ramos Horta

DILI (TATOLI)–Premiandu Novel ba Pás, José Ramos Horta konsidera Objetivu Dezenvolvimentu sustentavel (ODS) hanesan buat mamuk ida ne’ebé foin adopta, maibé antes ne’e Timor-Leste (TL) iha ona Planu Estratejiku Dezenvovimentu Nasionál (PEDN), atu halakon kiak.

“Timor la’ós atu hein fali buat ne’ebé halo iha Nasaun Unida, tanba planu estratéjiku iha ninia konsultasaun ba Timor laran tomak ho ninia implementasaun iha tinan 2011 to’o remata iha tinan 2030,” José Ramos Horta fó sai nia komentariu iha enkotru nasaun parseiru ODS iha Centru Convensaun Dili (CCD), horseik.

Eis Prezidente Republika ne’e dehan PEDN iha nia implementasaun hahú iha tinan 2011, antes ODS.

Hatudu katak Timor la’ós atu hein fali buat ne’ebé halo iha Nasaun Unida, tanba planu estratéjiku iha ninia konsultasaun ba Timor laran tomak ho ninia implementasaun iha tinan 2011 to’o remata iha tinan 2030.

Ho objektivu ida atu halo balansu ba dezenvovimentu nasaun hotu-hotu iha ninia estratéjia no la bazeia ba ODS.

Balansu ba ida ne’e la’ós ODS ne’ebé foin hahú. Maibé kada nasaun halo buat ne’ebé sira bele no hakarak. ODS ne’e hanesan mehi ida la’ós obrigatóriu ba nasaun sira, maibé Timór iha ona nia PEDN.

PEDN nia targetu tinan 2011 to’o iha tinan 2030 laiha ona ki’ak no analfabetu iha Timor-Leste. Maski iha implementasaun buat barak mak Governu konsege hala’o, maibé iha balun mós seidauk bele implementa.

Kompara ho ba ODS hanesan fó komentáriu ba buat mamuk ida ne’ebé foin adopta.

(Jornalista : Maria Auxiliadora)

(Editór : Manuel Pinto)

HUSIK IDA HATÁN