Almamor Hala’o Kongresu Ba Datoluk

0
85
Artisita múziku sira kanta hinu nasionál no hinu Almamor molok realiza kongresu ba datoluk. Imajen Ajénsia Notísia/Xisto Freitas

DILI, (TATOLI) – Associação de Músicos de Timor-Leste (Almamor) realiza kongresu ba datoluk durante loron rua (4-5 maiu 2017) iha Sentru Konvensaun Dili (CCD).

Hosi kongresu ne’e atu troka estrutura Almamor periodu 2013 to’o 2017 ne’ebé  nia mandatu remata ona. Aleinde hili estrutura foun, liuhusi kongresu ne’e mós sei trasa planu atividade Almamor nian durante tinan haat nia laran.

Partisipante no bainaka kongresu Almamor ba datoluk. Imajen Ajénsia Notísia/Xisto Freitas

Tuir regras kongresu, sira ne’ebé kandidata án ba estrututa Almamor, tenkiser artista múzika no partisipante legál ne’ebé partisipa kongresu hahú kedas iha loron primeiru nomós rejista án duni iha lista partispante ne’ebé komisaun prepara.

Maibé, sé la priénse kritériu kongresu ne’ebé temi, sei lakon direitu nu’udar partisipante legál. Konsensu  ka votu maioria maka nu’udar desizaun finál hodi kongresu ne’e. Kada kandidatu tenke hetan uluk asinatura hosi apoiantes mínimu ema na’in 50.

Prezidente Komisaun Orientadór Kongresu Almamor ba datoluk, Henrique do Rosario “Waiwatu” hateten kongresu refere gasta orsamentu kuaze 50,000.00 dólar amerikanu. Orsamentu hirak ne’e apoiu hosi artista senior balun, emprezáriu nasionál no governu.

Partisipa iha kongresu ne’e maka Ministru Turizmu, Francisco Kalbuadi Lay, Vise Ministru Komérsiu, Indústria no Ambiente, Nino Pereira, Sekretáriu Estadu Juventude no Desportu, Leovigildo Hornai, deputadu Eládio Faculto, padres no artista juniór nomós seniór kuaze atuas rua.

Jornalista: Xisto Freitas

Editora: Rita Almeida

HUSIK IDA HATÁN