DILI, (TATOLI) – Xefe Divizaun Operasaun, Autoridade Inspesaun no Fiskalizasaun Atividade Ekonómika, Sanitária no Alimentár (AIFAESA), Alfonsius Costa Akoyt informa atividade inspesaun ne’ebé hala’o iha fevereiru to’o maiu, apreende (foti) produtu hamutuk 13.127.
Ba Tatoli ohin iha Matadouro, hatutan tan, fevereiru, empreza ne’ebé komete infrasaun hamutuk 41 husi fatin inspesionadu 56 no produtu ne’ebé foti hamutuk 2012.
Inspesaun iha marsu ne’ebé hala’o iha empreza 68, hetan infrasaun 23 no produtu ne’ebé apreende hamutuk 5114.
Iha marsu, inspesaun halo iha empreza 151, komete infrasaun 66 no produtu ne’ebé foti ho totál 1973 no iha maiu, estabelesimentu inspesaun iha empreza 166 no hetan infratór 71 no apreende produtu mak 4028.
Produtu sira ne’e foti iha Loja, Mini Loja, Supermerkadu, Indústria, Restaurante no Otél iha Dili laran.
Tipu infrasaun ne’ebé komete mak lisensa termina nia validade (mate), atividade la tuir lisensa, atividade la tuir enderesu ne’ebé konsta iha lisensa no atividade komersiál sein lisensa nomós jéneru alimentisiu anormál hanesan produtu liu prazu, estragadu no danifikadu.
Produtu sira ne’ebé aprende husu AIFAESA mak bebida alkólika no non alkólika, snack, aditivu alimentár (temperus) no jéneru alimentár.
Jornalista: Maria Auxiliadora
Editora: Rita Almeida
HAU APRESIA HO AIFAESA BELE KONTRLA AI-HAN NE’EBE MAK LIU ONA PRAZO,LIU HUSI ITA NIA ESFORSO PARA BELE LABELE AFEITA BA SOCIEDADE SIRA NE’EBE MAK KONSUMO AI-HAN HIRAK NE’E.